फेरि जंगल पस्ने देव गुरुङको धम्की

काठमाडौं, ११ असार । द्वन्द्वकालीन मुद्दाहरुलाई सत्यनिरुपण आयोगको दायरामा नल्याए जंगल जाने नेकपा माओवादी केन्द्रका नेता देव गुरुङले धम्की दिएका छन् । आफूहरुले पटक पटक ध्यानाकार्षण गराउँदा पनि द्वन्द्वकालीन मुद्दाको वेवस्ता गरेको भन्दै यहि क्रम जारी रहे आफूहरु फेरि युद्वको बाटोमा जाने चेतावनी दिएका हुन् ।

अदालतमा विचाराधीन द्वन्द्वकालीन सबै मुद्दा आयोगको दायरामा ल्याउने विषयमा प्रमुख सत्तारुढ नेकपा एमाले र माओवादी केन्द्रबीच गत वैशाखको तेस्रो साता भएको सहमति कार्यन्वयनमा आएको छैन ।

राजनीतिक निर्णयबाट हल गरिनुपर्ने विषयलाई कानूनी प्रक्रियामा लगे माओवादी नेताहरुसामु जेल जाने र युद्व गर्नेमध्ये एउटा विकल्प रोज्नुपर्ने अवस्था आउने भन्दै उनले त्यसबेला दोस्रो विकल्प रोजेर जङ्गल जाने उल्लेख गरे ।